म्हे तो आया हो बजरंगी थारे द्वार चरणा में अर्ज करां। LYRICS

म्हे तो आया हो बजरंगी थारे द्वार चरणा में अर्ज करां।
शीश मुकुट कानों में कुंडल गल वैजन्ती माला।
लाल सिंदूर रम्या तन ऊपर राम नाम मतवाला।।
प्यारो लागे म्हाने थारो दरबार।।1।।
भक्तां ने थे दर्शन देवो भीड़ बड़ी है भरी।
दूर दूर से सेवक आया आशा लागी थारी।।
थारा सेवक करे रे पुकार।।2।।
बालाजी अब दया करो थोड़ी सी आंख्या खोलो।
सेवक कब से अर्ज करे है कुछ तो मुँह से बोलो।।
थे तो अंजनी का राजकुमार।।3।।
थारो रूप मनोहर बाला दर्शन करबा आया।
ध्वजा नारियल चूरमा की थाली भरकर ल्याया।।
थारो लाल यो ‘चिरंजी’ बलिहार।।4।।