एकदिस छिलके गंग-नीर, दोसर भस्मे भरल शरीर / मैथिली लोकगीत

एकदिस छिलके गंग-नीर, दोसर भस्मे भरल शरीर

तेसर ठाढ़ छथि मैना के अंगनमा, गौरी के सजनमा ना

एक हाथ डामरु के डिमकाइ, माथे जटा विशाल बढ़ाइ

हिनकर भांग लेल रकटल परनमा, गौरी के सजनमा ना

अपने बसहा छथि असबार, राखल घर आ ने द्वार

संगे गौरी रखता कोन भवनमा, गौरी के सजनमा ना

नागक लटकल डोर देखू, नमरल हिनकर ठोर

बाघक छाल छनि ओढ़न-पहिरनमा, गौरी के सजनमा ना

सखि सभ देखल जखन रूप, नहि छथि योगी नहि भूप

ई तऽ दरिद्रक करथि दुखहरनमा, गोरी के सजनमा ना

यह भी पढ़ें:

• जाय दीअ यदुवीर, कृष्ण जाय दीअ यदुवीर / मैथिली लोकगीत
• सून भवन भेल भोर / मैथिली लोकगीत
• अगहन मास लागू नीक पंचमी के दिन / मैथिली लोकगीत
• भजै छी तारिणी सब दिन / मैथिली लोकगीत