प्रकाश माली मारवाड़ी राजस्थानी भजन लिखित : Prakash Mali Bhajan Lyrics 6

अलख री दुहाई रामदेवजी समाधी भजन लिरिक्स

अलख री दुहाई रामदेवजी समाधी भजन

हलचल बात हुई हलकारे ओ जी
चलचल बात हुई रे सारे देव
स्वर्गा माई सोलमा गावे ओ जी
रामा कंवर ने लिना रे बधाय
अलख री दुहाई
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

अरे चलती बात वेकटी आयी ओ जी
हडबूजी बैठा सोच विचार
पूंगा नेरव नेजो पुगो ओ जी
स्वर्गा मे सतीया लिया रे बधाय
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

पवन परवो पंथ किनो न्यारो ओजी
डावा जिमना लिया रे बुलाय
जल रो घडो ओर सुहागन नारी ओ जी
डावी भुजा सु जिमनी तो पाय
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

मुख में चून लियो मालाणी ओजी
तरवर बोले घेर गंभीर
हडबूजी तो ऊबा सुगन विचारे ओजी
बल मे मिले अबलीया पीर
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

लीलो लीलो घोडो आप निरंजन जी
लालो लुम्बो तपे रे ललाड
मेहा री जाल पास आय मिलीया जी
भायो री हुई वटे डोडी मनवार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

मिलीया पीर जुगा रा भाई ओ जी
रंगडे री जाजम दीनी ढाल
मोती चूर मिठाईयाँ भेंटे ओ जी
अमलो री हुई वटे डोडी मनवार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

सेनो हंदी बात आयी रे म्हारे काने ओजी
मासु बात सुनी न जाय
जीवत पडा सवाई अजमाल रा ओ जी
हाची रे कुड भाई म्हाने रे बताय
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

केई नर साचा केई नर कूडा ओ जी
मन रे मते वो चाले संसार
केवे रामदेव सुन सिद्ध हडबू ओ जी
चलती बात कियो विस्तार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

अरे थे हडबू रूनीचे जावो ओ जी
मै जावा घोडला री लार
मन रे मते चरे म्हारा रेवत जी
सगला री लेवा थोडी सार सम्भाल
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

रतन कटोरो माता मैणादे ने दीजो जी
अमलो रो पोथो अजमलजी रे हाथ
बेल गेडियो विरमदेव ने दीजो जी
बाकी तंवरो ने म्हारा घणा रे जुहार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

दोनो पीर सह घोडे चढिया ओ जी
निवन करे राणो ने राव
ए बघेवरो आयो भूतेडो ओ जी
पीरजी तो पुग्या देव द्वार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

हडबूजी चाल रूनीचे आया ओ जी
गुमनो बैठो तंवरो रो परिवार
सभा देखेने बोलीयो ओ साखलो जी
केनो करो भाया विचार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

नम राखनी तंवर नेमीया ओ जी
दशम रा लिया उपदेश
दिना ग्यारस तिलक संपोडो ओ जी
गुफा मे बैठा लियो परदो आप
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

लीलो लीलो घोडो आप निरंजन ओ जी
लालो लुम्बो तपे रे ललाड
कह भाई हडबू म्हाने मिलीया ओ जी
घेरन गया घुडलो रे लार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

रतन कटोरो माता मैणादे ने दीनो जी
अमलो रो पोथो अजमलजी रे हाथ
बेल गेडियो विरमदेव ने दीनो ओ जी
बाकी भायो ने दिया जाढा रे जुहार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

अरे हमचे हुआ तंवर सब भेला ओ जी
जा खोदी पीरो री परसार
कुंकुम केवडो मायने महके ओ जी
माय मिली फूलो री फूलमाल
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

खोदी समाधि जो नही पायो ओ जी
भायो कोनी किनो रे विचार
पीढी पीढी़ पीर रूनीचा मे होवता ओ जी
अब होय जो पंडित साम्भजो सेवा
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

बिछडतो री भायो वेगत नही जानी ओ जी
विलुम्बीयो नही बागा री साल
बूटी बूंद सायर मे रलगी ओ जी
कठोडे खोजु अमे रामा रे कंवार
अलख री दुहाई
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

अरे गूगल धूप खेवु धणीया ने ओ जी
राखजो धणीया माना री लाज
हरि चरने भाटी हरजी बोले ओ जी
मेल दीजो म्हाने भवसु पार
अलख री दुहाईं
मै तो झूठ नी बोलू ओ जी
रामदेवजी मिलीया म्हाने
भुजा रे पसार
अलख री दुहाईं मै तो
झूठ नी बोलू ओ जी।।

बाबो अवतारी रामदेव जी भजन लिरिक्स

बाबो अवतारी
बाबो भगता रो रखवालो
म्हारो राम रूनीचा वालो
ओतो अजमलजी रो लालो
बाबों अवतारी
बाबों अवतारी हो ओ
बाबों अवतारी।।

अजमलजी ने वचन दिरायो हो ओ
अजमलजी ने वचन दिरायो
लालो कुंकुम पगल्या आयो
उपनतोडो दूध ढबायो
बाबों अवतारी
उपनतोडो दूध ढबायो
बाबों अवतारी
परचो दरजी ने दिखलायो
घोडो कपडा रो उडायो
सारा जग ने अचरज आयो
बाबों अवतारी
बाबों अवतारी हो ओ
बाबों अवतारी।।

भेरूडा ने सबक सिखायो हो ओ
भेरूडा ने सब सिखायो
उनने पाताला पहुंचायो
पापीडा रो अंत करायो
बाबों अवतारी
पापीडा रो अंत करायो
बाबो अवतारी
लाखु मन में खोट विचारी
बाबो मिसरी करदी खारी
पड्यो चरना आय धणी री
बाबों अवतारी
बाबों अवतारी हो ओ
बाबों अवतारी।।

डूबत सेठ बोयतो पुकार्यो हो ओ
डूबत सेठ बोयता पुकार्यो
बाबो बैठो हाथ पसारीया
डूबत बेडो पार लगायो
बाबों अवतारी
डूबत बेडो पार लगायो
बाबों अवतारी
रामा अमरकोट मे आया
आपो आप बाग हर आया
नेतलदे ने पाँव दिराया
बाबों अवतारी
बाबों अवतारी हो ओ
बाबों अवतारी।।

सुगना बाई रा कष्ट मिटाया हो ओ
सुगना बाई रा कष्ट मिटाया
एक चमत्कार दिखलाया
मरीया भानु ने जिवाया
बाबों अवतारी
मरीया भानु ने जिवाया
बाबों अवतारी
पाँचो पीर परखने आया
बर्तन मक्का सु मंगवाया
पीरा रा पीर कहाया
बाबों अवतारी
बाबों अवतारी हो ओ
बाबों अवतारी।।

छाई हेजा री बिमारी हो ओ
छाई हेजा री बिमारी
बाबो सेवा करे दुनिया री
मेटी दुविधा निज भगता री
बाबों अवतारी
मेटी दुविधा निज भगता री
बाबों अवतारी
बाबो निकलंक नेजाधारी
धोली ध्वजा फरूके भारी
बाबो लीले री सवारी
बाबों अवतारी
बाबों अवतारी हो ओ
बाबों अवतारी।।

द्वारे जगमग ज्योता जागे हो ओ
द्वारे जगमग ज्योता जागे
दर्शन करीया किसमत जागे
मेलो भादरवा मे लागे
बाबों अवतारी
मेलो भादरवा मे लागे
बाबों अवतारी
थारी सेवक डाली बाई
हरजी हाजिर माई
समाधि रूनीचा रे माई
बाबों अवतारी
बाबों अवतारी हो ओ
बाबों अवतारी।।

धारू के घर जमो जगायो हो ओ
धारू के घर जमो जगायो
रानी रूपा ध्यान लगायो
थाली माई बाग लगायो
बाबों अवतारी
थाली माई बाग लगायो
बाबों अवतारी
दल्ला सेठ री जान बचाई
जैसल डाकू ने परचो दिखाई
ऊबो हाजिर भगता ताई
बाबों अवतारी
बाबों अवतारी हो ओ
बाबों अवतारी।।

रूनीचो चमके धोरां माई हो ओ
रूनीचो चमके धोरां माई
शोभा जुगडा मे सरसाई
थारी महिमा सब जग गाई
बाबों अवतारी
थारी महिमा सब जग गाई
बाबों अवतारी
म्हाने अपना टाबर जाण
दीजो भगती रो वरदान
थारो सेवक कैलाश दान
बाबों अवतारी
बाबों अवतारी हो ओ
बाबों अवतारी।।

बाबो अवतारी
बाबो भगता रो रखवालो
म्हारो राम रूनीचा वालो
ओतो अजमलजी रो लालो
बाबों अवतारी
बाबों अवतारी हो ओ
बाबों अवतारी।।

धोरां धरती माय रे ऊंडू काश्मीर माय रामदेवजी भजन

धोरां धरती माय रे
ऊंडू काश्मीर माय
अजमलजी घर प्रगट्या
बाबा रामदेव ओ जी
अजमलजी घर प्रगट्या
बाबा रामदेव ओ जी।।

अरे विष्णु रो अवतार रे
विष्णु रो अवतार
अरे विष्णु रो अवतार रे
द्वारिका रो नाथ
पालना मे झूले बाबो रामदेव ओ जी
पालना मे झूले बाबो रामदेव ओ जी।।

अरे रूनीचा रे माय रे
धोरां धरती माय
रूनीचा रे माय रे
धोरां धरती माय
बनीयो बाबा रो मोटो देवरो ओ जी
बनीयो बाबो रो मोटो देवरो ओ जी।।

अरे ध्वजा फरूके असमान रे
ध्वजा फरूके असमान
अरे ध्वजा फरूके असमान रे
ध्वजा फरूके असमान
लीले री सवारी बाबा रामदेव ओ जी
लीले री सवारी बाबा रामदेव ओ जी।।

सोवे भालो हाथ रे हडबड भालो हाथ
सोवे भालो हाथ रे हडबड भालो हाथ
मार्ग में मिलीया ओ बाबा रामदेव ओ जी
मार्ग में मिलीया ओ बाबा रामदेव ओ जी।।

अरे आवे नर ओर नार रे
आवे नर ओर नार
आवे नर ओर नार रे
आवे नर ओर नार
परचा दिरावे जग में मोकला ओ जी
परचा दिरावे जग में मोकला ओ जी।।

धोरां धरती माय रे
ऊंडू काश्मीर माय
अजमलजी घर प्रगट्या
बाबा रामदेव ओ जी
अजमलजी घर प्रगट्या
बाबा रामदेव ओ जी।।

गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)

मिन्दर में अरज सुनावा माजीसा म्हारे आंगने पधारो लिरिक्स

मिन्दर में अरज सुनावा
माजीसा म्हारे आंगने पधारो
मिन्दर मे अरज सुनावा
माजीसा म्हारे आंगने पधारो
आंगने पधारो मैया काज सवारो
आंगने पधारो मैया काज सवारो
चरना मे शिश नमावा
माजीसा म्हारे आंगने पधारो
चरना मे शिश नमावा
माजीसा म्हारे आंगने पधारो।।

गाँव जोगीदा थारो जन्म कहावे
गाँव जोगीदा थारो जन्म कहावे
जोगराज सिंहजी थारा पिता कहलावे
जोगराज सिंहजी थारा पिता कहलावे
कुंकुम रा छांटा बरसाया
माजीसा म्हारे आंगने पधारो
कुंकुम रा छांटा बरसाया
माजीसा म्हारे आंगने पधारो।।

जग में कहावे माता रानी भटियाणी
जग में कहावे माता रानी भटियाणी
गढ रे जसोल वाली मोटी धनीयाणी
गढ रे जसोल वाली मोटी धनीयाणी
श्रद्धा सु थाने मनावा
माजीसा म्हारे आंगने पधारो
श्रद्धा सु थाने मनावा
माजीसा म्हारे आंगने पधारो।।

मोतीया वाली माता थारा परचा है भारी
मोतीया वाली माता थारा परचा है भारी
दर्शन ने आवे थारे नित नर नारी
दर्शन ने आवे थारे नित नर नारी
मिन्दर मे ज्योति जगावा
माजीसा म्हारे आंगने पधारो
मिन्दर मे ज्योति जगावा
माजीसा म्हारे आंगने पधारो।।

शंकर दमामी थारो परचो है पायो
शंकर दमामी थारो परचो है पायो
पग री पायलडी दीनी दर्श दिखायो
पग री पायलडी दीनी दर्श दिखायो
लीला रो पार कोनी पावा
माजीसा म्हारे आंगने पधारो
लीला रो पार कोनी पावा
माजीसा म्हारे आंगने पधारो।।

दास अशोक मैया अरज सुनावे
दास अशोक मैया अरज सुनावे
चरना री चाकरी मे सब सुख पावे
चरना री चाकरी मे सब सुख पावे
नित थारी किरती सुनावा
माजीसा म्हारे आंगने पधारो
नित थारी किरती सुनावा
माजीसा म्हारे आंगने पधारो।।

मिन्दर में अरज सुनावा
माजीसा म्हारे आंगने पधारो
मिन्दर मे अरज सुनावा
माजीसा म्हारे आंगने पधारो
आंगने पधारो मैया काज सवारो
आंगने पधारो मैया काज सवारो
चरना मे शिश नमावा
माजीसा म्हारे आंगने पधारो
चरना मे शिश नमावा
माजीसा म्हारे आंगने पधारो।।

गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)

माता री ज्योता जागे रे माजीसा भजन लिरिक्स

डम डम डम ढोल नगाड़ा बाजे
डम डम डम ढोल नगाडा बाजे
टन टन टन कासी वाली झालर बाजे रेे
टन टन टन कासी वाली झालर बाजे रेे
माता री ज्योता जागे रे
ए जागे रे जागे रे
माता भटियाणी री ज्योतडली जागे।।

जसोल गढ री भटियाणी ने
नर नारी सब ध्यावे
जसोल गढ री भटियाणी ने
नर नारी सब ध्यावे
मोतीया वाली माता जग में
सबरा कष्ट मिटावे
पैदल पैदल लोग दूर सु
दर्शन आवे रे
पैदल पैदल लोग दूर सु
दर्शन आवे रे
माता री ज्योता जागे रें
ए जागे रे जागे रे
माता भटियाणी री ज्योतडली जागे।।

लाल चुनडीया शिश सुहावे
मूरत लागे प्यारी
लाल चुनडीया शिश सुहावे
मूरत लागे प्यारी
पग री पायल छम छम बाजे
आढ गला मे भारी
माता रे हाथा मे मेहन्दी
प्यारी लागे रे
माता रे हाथा मे मेहन्दी
प्यारी लागे रे
माता री ज्योता जागे रें
ए जागे रे जागे रे
माता भटियाणी री ज्योतडली जागे।।

बांजडीया ने बेटा देवे
निर्धनीया धन पावे
बांजडीया ने बेटा देवेे
निर्धनीया धन पावे
जो कोई सिवरे भटियाणी ने
वो सगला सुख पावे
दीन दुखी सब माथा टेके
माता आगे रे
दीन दुखी सब माथा टेके
माता आगे रे
माता री ज्योता जागे रें
ए जागे रे जागे रे
माता भटियाणी री ज्योतडली जागे।।

माता रानी भटियाणी ने
दास अशोक सुनावे
माता रानी भटियाणी ने
दास अशोक सुनावे
नर नारी चरना री सेवा में लिजो
चरना मे सुख पावे
भक्ति भाव सु निशदिन
थारी महिमा गावे रे
भक्ति भाव सु निशदिन
थारी महिमा गावे रे
माता री ज्योता जागे रें
ए जागे रे जागे रे
माता भटियाणी री ज्योतडली जागे।।

डम डम डम ढोल नगाड़ा बाजे
डम डम डम ढोल नगाडा बाजे
टन टन टन कासी वाली झालर बाजे रेे
टन टन टन कासी वाली झालर बाजे रेे
माता री ज्योता जागे रे
ए जागे रे जागे रे
माता भटियाणी री ज्योतडली जागे।।

भगत खड़ा है द्वार आपरे किनरे भरोसे माजीसा भजन

भगत खड़ा है द्वार आपरे
भगत खडा है द्वार आपरे
किनरे भरोसे ओ थारे भरोसे
ओ मावडी थारे भरोसे
ओ थारे भरोसे
ओ मावडी थारे भरोसे ओ।।

जसोल नगरी माता रानी
साचो थारो धाम
जसोल नगरी माता रानी
साचो थारो धाम
दीन दुखी दर्शन ने आवे
सारो सबरा काम
दीन दुखी दर्शन ने आवे
सारो सबरा काम
दूर दूर सु पैदल आवे
दूर दूर सु पैदल आवे
किनरे भरोसे ओ
थारे भरोसे
ओ मावडी थारे भरोसे ओ।।

लाल चुनडीया शिश सुहावे
शोभा अपरम्पार
लाल चुनडीया शिश सुहावे
शोभा अपरम्पार
चार खूट मे माता थारी
होवे जय जयकार
चार खूट मे माता थारी
होवे जय जयकार
जय जयकारा करता आवे
जय जयकारा करता आवे
किनरे भरोसे ओ
थारे भरोसे
ओ मावडी थारे भरोसे ओ।।

परचो एकत मामी पायो
दर्शन दीना आप
परचो एकत मामी पायो
दर्शन दीना आप
पग री पायल ओर चुडलो
भेज्या जिनरे साथ
पग री पायल ओर चुडलो
भेज्या जिनरे साथ
जसोल गढ मे ढोल बजावे
जसोल गढ मे ढोल बजावे
किनरे भरोसे ओ
थारे भरोसे
ओ मावडी थारे भरोसे ओ।।

तीज काजली मेलो लागे
आवे नर और नार
तीज काजली मेलो लागे
आवे नर और नार
मोतीया वाली माता थारो
मोटो है दरबार
मोतीया वाली माता थारो
मोटो है दरबार
मन री बाता भक्त सुनावे
मन री बाता भक्त सुनावे
किनरे भरोसे ओ
थारे भरोसे
ओ मावडी थारे भरोसे ओ।।

माता रानी भटियाणी ने
दास अशोक सुनाय
माता रानी भटियाणी ने
दास अशोक सुनाय
भगत आपरे आंगन आया
दिजो दर्श दिखाय
भगत आपरे आंगन आया
दिजो दर्श दिखाय
डगमग डोले नाव भंवर मे
डगमग डोले नाव भंवर मे
किनरे भरोसे ओ
थारे भरोसे
ओ मावडी थारे भरोसे ओ।।

भगत खड़ा है द्वार आपरे
भगत खडा है द्वार आपरे
किनरे भरोसे ओ थारे भरोसे
ओ मावडी थारे भरोसे
ओ थारे भरोसे
ओ मावडी थारे भरोसे ओ।।

रूपालो मिन्दर थारो सोवनो रे रामदेवजी भजन

रूपालो मिन्दर थारो सोवनो रे
धोकवा ने आवे नर नार रे
रूनीचा वाला
म्हारा निकलंक राजा
रूनीचा वाला शरने थारी आयो रे।।

राम सरोवर सोवनो रे
पाल माथे ऊबा बाबा रामदेव
रूनीचा वाला
म्हारा निकलंक राजा
रूनीचा वाला शरने थारी आयो रे।।

लीलो लीलो घोडो थारो सोवनो रे
अरे मोतीया सु जडी रे लगाम रे
रूनीचा वाला
म्हारा निकलंक राजा
रूनीचा वाला शरने थारी आयो रे।।

ध्वजा फरूके थारे देवरे रे
आतो लहर लहर लहरावे रे
रूनीचा वाला
म्हारा निकलंक राजा
रूनीचा वाला शरने थारी आयो रे।।

दूरा देशारा आवे जातरी रे
अरे पूरे बाबो मन री आस रे
रूनीचा वाला
म्हारा निकलंक राजा
रूनीचा वाला शरने थारी आयो रे।।

मेवा मिठाई चढे चूरमा रे
अरे चढे चढे लीलडीया नारेल रे
रूनीचा वाला
म्हारा निकलंक राजा
रूनीचा वाला शरने थारी आयो रे।।

माली प्रेम री विनती रे
अरे जुग जुग चरनो रे माय
रूनीचा वाला
म्हारा निकलंक राजा
रूनीचा वाला शरने थारी आयो रे।।

रूपालो मिन्दर थारो सोवनो रे
धोकवा ने आवे नर नार रे
रूनीचा वाला
म्हारा निकलंक राजा
रूनीचा वाला शरने थारी आयो रे।।

मेले जाता जाता जय बोलो नागणेच्या माता की

मेले जाता जाता
जय बोलो नागणेच्या माता की
नागणेच्या माता की रे
जगदम्बा माता की
नागणेच्या माता की रे
जगदम्बा माता की रे
मेलें जाता जाता
जय बोलो नागणेच्या माता की।।

लेलो केसर ने गुलाल
माला लेलो फूलों की
लेलो केसर ने गुलाल
माला लेलो फूलों की
लेलो लुम्बडिया नारेल
चावा मेवा मिठाई की
लेलो लुम्बडिया नारेल
चावा मेवा मिठाई की रे
मेलें जाता जाता
जय बोलो नागणेच्या माता की।।

लेलो शिश पे मुकुट
रखडी हिरा मोती की
लेलो शिश पे मुकुट
रखडी हिरा मोती की
लेलो गले नवलख हार
बिन्दी लेलो सोना की
लेलो गले नवलख हार
बिन्दी लेलो सोना की रे
मेलें जाता जाता
जय बोलो नागणेच्या माता की।।

लेलो चुडलो हस्ती दात
पोने नथडी हिरा की
लेलो चुडलो हस्ती दात
पोने नथडी हिरा की
लेलो बंगडी बाजुबंध
हाथा मुन्दरी सोना की
लेलो बंगडी बाजुबंध
हाथा मुन्दरी सोना की रे
मेलें जाता जाता
जय बोलो नागणेच्या माता की।।

लेलो लेहंगो घेर घूमर
चुनडी चम चम तारों की
लेलो लेहंगो घेर घूमर
चुनडी चम चम तारों की
लेलो कुरती अंगीया सात
पडाया लेलो माता की
लेलो कुरती अंगीया सात
पडाया लेलो माता की रे
मेलें जाता जाता
जय बोलो नागणेच्या माता की।।

लेलो धूप ने नारेल
जगमग ज्योत माता की
लेलो धूप ने नारेल
जगमग ज्योत माता की
लेलो अगर, चन्दन, कपूर
मेहन्दी लेलो हाथा की
लेलो अगर, चन्दन, कपूर
मेहन्दी लेलो हाथा की रे
मेलें जाता जाता
जय बोलो नागणेच्या माता की।।

अर्जुन सिवरे बारम्बार
पूजा करे माता की
अर्जुन सिवरे बारम्बार
पूजा करे माता की
सिवरे शाम सुबह हर बार
जय जय बोलु मैया की
सिवरे शाम सुबह हर बार
जय जय बोलु मैया की रे
मेलें जाता जाता
जय बोलो नागणेच्या माता की।।

मेले जाता जाता
जय बोलो नागणेच्या माता की
नागणेच्या माता की रे
जगदम्बा माता की
नागणेच्या माता की रे
जगदम्बा माता की रे
मेलें जाता जाता
जय बोलो नागणेच्या माता की।।

देवी आओ नागाणा री राय अरजी सुनलो माता भजन लिरिक्स

देवी आओ नागाणा री राय
अरजी सुनलो
देवी आवो नागाणा री राय
अरजी सुनजो
म्हारी नैया लगादो पार
हेलो सुनलो
म्हारी नैया लगा दीजो पार
अरजी सुनजो
आ अटकी भंवर बीच आयने
तारो जी ओ जी।।

देवी भवसागर भरपूर
हिलोरा खावे
देवी भवसागर भरपूर
हिलोरा खावे
देवी थां बिन कुण म्हाने आय
पार लगावे
देवी थां बिन कुण म्हाने आय
पार लगावे
आ अटकी भंवर बीच
आयने तारो जी ओ जी।।

देवी अबला करे पुकार
आय ऊबारो
देवी अबला करे पुकार
आय ऊबारो
म्हारो डूब रयो भरतार
मायड़ तारो
म्हारो डूब रयो भरतार
मायड़ तारो
आ अटकी भंवर बीच आयने
तारो जी ओ जी।।

माडी साथे नेना बाल
दया विचारो
माडी साथे नेना बाल
दया विचारो
म्हारी डगमग डोले नाव
दूर किनारो
म्हारी डगमग डोले नाव
दूर किनारो
आ अटकी भंवर बीच आयने
तारो जी ओ जी।।

अबला रो सुहाग बचाव
भगत माँ थारो
अबला रो सुहाग बचाव
भगत माँ थारो
मै आवु थारे द्वार
हेलो सुन म्हारो
मै आवु थारे द्वार
हेलो सुन म्हारो
आ अटकी भंवर बीच आयने
तारो जी ओ जी।।

देवी सुता भंवर रे माय
पलक उगाडी
देवी सुता भंवर रे माय
पलक उगाडी
भगतो रे चढगी वार
नैया तारी
भगतो रे चढगी वार
नैया तारी
आ अटकी भंवर बीच आयने
तारो जी ओ जी।।

अरे अर्जुन दोय कर जोड
भजन गावे थारो
अरे अर्जुन दोय कर जोड
भजन गावे थारो
भगता ने भवजल पार
आय ऊबारो
भगता ने भवजल पार
आय ऊबारो
आ अटकी भंवर बीच आयने
तारो जी ओ जी।।

देवी आओ नागाणा री राय
अरजी सुनलो
देवी आवो नागाणा री राय
अरजी सुनजो
म्हारी नैया लगादो पार
हेलो सुनलो
म्हारी नैया लगा दीजो पार
अरजी सुनजो
आ अटकी भंवर बीच आयने
तारो जी ओ जी।।

निव निव माँ थाने शिश झुकाऊं म्हाने दर्शन दो नागणेची माँ

निव निव माँ थाने शिश झुकाऊं

दोहा – देवो मे देवी बडी़
बडी नागाणा री राय
हाथ जोड मे अरज करू
मैया करजो म्हारी सहाय।

निव निव माँ थाने शिश झुकाऊं
थारे चरना मे दौड्यो आवु
थारे चरना मे दौड्यो आवु
थारे देवल शिश झुकावु
थारे देवल शिश झुकावु
थाने मीठा भोग लगावु
थाने मीठा भोग लगावु
म्हाने दर्शन दो नागणेची माँ।।

घेर घूमर रो लावु घागरो
लाल चुनडी लावु
थारे लाल चुनडी लावु
मै तो थारे भेंट चढावु
मै तो थारे भेंट चढावु
मै थाने लाय ओडावु
मै थाने लाय ओडावु
म्हाने दर्शन दो नागणेची माँ।।

नवलख हार थारे हिवडे पेरावु
थारे सोने रो मुकुट पेरावु
थारे सोने रो मुकुट पेरावु
थारे देवल आय चढावु
थारे देवल आय चढावु
म्हाने दर्शन दो नागणेची माँ।।

हस्ती दात रो चुडलो चिरावु
थारे दोय कर बंगडी लावु
थारे दोय कर बंगडी लावु
माँ थारे भेंट चढावु
माँ थारे भेंट चढावु
म्हाने दर्शन दो नागणेची माँ।।

सोने चाँदी रा छत्तर चढावु
थारे झिलमिल ज्योति जगावु
थारे झिलमिल ज्योति जगावु
चरना मे दौड्यो आवु
थारे चरना मे दौड्यो आवु
म्हाने दर्शन दो नागणेची माँ।।

नव नव देवी करू नोरता
मेवा रा भोग लगावु
मेवा रा भोग लगावु
नित आरतीया उतरावु
थारे दिवले ज्योत जलावु
म्हाने दर्शन दो नागणेची माँ।।

दोय कर जोड अर्जुन जश गावे
माँ चरना शिश नमावु
माँ चरना शिश नमावु
मै तो हर पल थाने ध्यावु
मै तो थारा हरजश गावु
म्हाने दर्शन दो नागणेची माँ।।

निव निव माँ थाने शिश झुकावु
थारे चरना मे दौड्यो आवु
थारे चरना मे दौड्यो आवु
थारे देवल शिश झुकावु
थारे देवल शिश झुकावु
थाने मीठा भोग लगावु
थाने मीठा भोग लगावु
म्हाने दर्शन दो नागणेची माँ।।