प्रकाश माली मारवाड़ी राजस्थानी भजन लिखित : Prakash Mali Bhajan Lyrics 7

मैया सिंह चढेने आवो झटके थारा भजन गावुला मै तो डटके

मैया सिंह चढेने आवो झटके
थारा भजन गावुला मै तो डटके
मैया सिह चढेने आवो झटके
थारा भजन गावुला मै तो डटके।।

सज सोलह सिन्गार भवानी
वेगा आप पधारो
सज सोलह सिन्गार भवानी
वेगा आप पधारो
झांजन झनकारे माता
रिमझिम करता आवो
झांजन झनकारे माता
रिमझिम करता आवो
थारे चुनडी चमा चम चमके
थारा भजन गावुला मै तो डटके।।

हार गला मे पेर भवानी
बिन्दीया लाल गुलाल
हार गले में पेर भवानी
बिन्दीया लाल गुलाल
नथडी थाने घणी सोवनी
रखडी हिरा लाल
नथडी थाने घणी सोवनी
रखडी हिरा लाल
थारा कानो में कुण्डल चमके
थारा भजन गावुला मै तो डटके।।

कुनचे काकन पेर भवानी
भुजा मे बाजुबंध
कुनचे काकन पेर भवानी
भुजा में बाजुबंध
पायल माता पेर पगा मे
चालो छमा छम
पायल माता पेर पगा मे
चालो छमा छम
थारे हाथो में खडक माता चमके
थारा भजन गावुला मै तो डटके।।

बावन भेरू चौसठ जोगन
संग मे थारे आवे
बावन भेरू चौसठ जोगन
संग मे थारे आवे
कालो गोरो भेरू संग मे
हनुमंत धाक जमावे
कालो गोरो भेरू संग मे
हनुमंत धाक जमावे
अर्जुनलाल गावेला आज जमके
थारा भजन गावुला मै तो डटके।।

मैया सिंह चढेने आवो झटके
थारा भजन गावुला मै तो डटके
मैया सिह चढेने आवो झटके
थारा भजन गावुला मै तो डटके।।

भगतो रो आयो जी मोबाइल देवी रे छम छम बाजी पायल

भगतो रो आयो जी मोबाइल
देवी रे छम छम बाजी पायल
देवी रो आयो बुलावो रे
आयो बुलावो रे आयो बुलावो रे
भगता रो आयो जी मोबाइल
देवी रे छम छम बाजी पायल
देवी रो आयो बुलावो रे।।

भगत करे डायल नम्बर एक
मायड़ म्हारी सामी देख
भगत थाने निवन करेला रे
भगत करे डायल नम्बर एक
मायड़ म्हारी सामी देख
भगत थाने निवन करेला रे
नमन करेला रे माता नमन करेला रे
भगता रो आयो जी मोबाइल
देवी रे छम छम बाजी पायल
देवी रो आयो बुलावो रे।।

भगत करे डायल नम्बर दोय
थे चरना मे राखो मोय
भगत थाने निवन करेला रे
भगत करे डायल नम्बर दोय
थे चरना मे राखो मोय
भगत थाने निवन करेला रे
नमन करेला रे माता नमन करेला रे
भगता रो आयो जी मोबाइल
देवी रे छम छम बाजी पायल
देवी रो आयो बुलावो रे।।

भगत करे डायल नम्बर तीन
थारे चरना मे आधीन
भगत थाने निवन करेला रे
भगत करे डायल नम्बर तीन
थारे चरना मे आधीन
भगत थाने निवन करेला रे
नमन करेला रे माता नमन करेला रे
भगता रो आयो जी मोबाइल
देवी रे छम छम बाजी पायल
देवी रो आयो बुलावो रे।।

भगत करे डायल नम्बर चार
देवी भवसागर सु तार
भगत थाने निवन करेला रे
भगत करे डायल नम्बर चार
देवी भवसागर सु तार
भगत थाने निवन करेला रे
नमन करेला रे माता नमन करेला रे
भगता रो आयो जी मोबाइल
देवी रे छम छम बाजी पायल
देवी रो आयो बुलावो रे।।

अर्जुन करे डायल नम्बर छ
ओ मायड़ भगतो रे भेली रे
देवी दुखडा दूर करेला रे
अर्जुन करे डायल नम्बर छ
ओ मायड़ भगतो रे भेली रे
देवी दुखडा दूर करेला रे
नमन करेला रे माता नमन करेला रे
भगता रो आयो जी मोबाइल
देवी रे छम छम बाजी पायल
देवी रो आयो बुलावो रे।।

भगतो रो आयो जी मोबाइल
देवी रे छम छम बाजी पायल
देवी रो आयो बुलावो रे
आयो बुलावो रे आयो बुलावो रे
भगता रो आयो जी मोबाइल
देवी रे छम छम बाजी पायल
देवी रो आयो बुलावो रे।।

सनेड़ो साम्भलजो लाल रामापीर रो सनेडो

सनेड़ो साम्भलजो लाल
रामापीर रो सनेडो।।

हे लीलो घोडो नवलखो
ने मोत्या जडी रे लगाम
लीलो घोडो नवलखो
ने मोत्या जडी रे लगाम
घोडलो घूमे गाँव में
घोडलो घूमे गाँव में
ओतो गढ रूनीचा रे धाम।
लाल सनेडो
सनेडो सनेडो सनेडो
लाल सनेडो
बाबो घूमावे घोडलीयो
लाल सनेडो
हे राम सरवर री पाल लाल सनेडो
भगतो रो रखवाल लाल सनेडो
पीरा रो है पीर लाल सनेडो
खम्मा घणी खम्मा घणी
बोले लाल सनेडो
खम्मा घणी खम्मा घणी
बोले लाल सनेडो ओ।।

हे सुगना बाई रो बीर लाल सनेडो
अजमल घर अवतार लाल सनेडो
सुख पावे संसार लाल सनेडो
खम्मा घणी खम्मा घणी
बोले लाल सनेडो
खम्मा घणी खम्मा घणी
बोले लाल सनेडो ओ।।

हे लीलो ही से धरती धुंजे
जद आवे रामापीर
लीलो ही से धरती धूंजे
जद आवे रामापीर
आवे बाबा रो घोडलो
ओ म्हारो धोली ध्वजा बंध पीर।
लाल सनेडो
हे सनेडो सनेडो सनेडो
लाल सनेडो
गढ रूनीचा मे धाम लाल सनेडो
हे भगता रो रखवाल लाल सनेडो
दुखीया रो दातार लाल सनेडो
कलयुग रो अवतार लाल सनेडो
खम्मा घणी खम्मा घणी
बोले लाल सनेडो
खम्मा घणी खम्मा घणी
बोले लाल सनेडो ओ।।

हे नेतल रानी रो भरतार लाल सनेडो
अजमल घर अवतार लाल सनेडो
सुख पावे संसार लाल सनेडो
खम्मा घणी खम्मा घणी
बोले लाल सनेडो
खम्मा घणी खम्मा घणी
बोले लाल सनेडो ओ।।

हे हालो संतो देवरे
ने मिलसी रामापीर
हालो संतो देवरे
ने मिलसी रामापीर
दुखीया रा दुख दूर करे
दुखीया रा दुख दूर करे
ओ तो सुगना बाई रो बीर।
लाल सनेडो
हे सनेडो सनेडो सनेडो
लाल सनेडो
हे गढ रूनीचा मे धाम लाल सनेडो
पीरा रो है पीर लाल सनेडो
माता मैणादे रो लाल लाल सनेडो
हे सुगना बाई रो बीर लाल सनेडो
अजमल घर अवतार लाल सनेडो
खम्मा घणी खम्मा घणी
बोले लाल सनेडो
खम्मा घणी खम्मा घणी
बोले लाल सनेडो ओ।।

हे जय बाबा री बोले लाल सनेडो
नही बोले पछताय लाल सनेडो
नेतल रानी रो भरतार लाल सनेडो
खम्मा घणी खम्मा घणी
बोले लाल सनेडो
खम्मा घणी खम्मा घणी
बोले लाल सनेडो ओ।।

हे रूणझुण बाजे घुंगरा
ने बाजे घोडे रा पोड
रूणझुण बाजे घुंगरा
ने बाजे घोडे रा पोड
रामदेव अवतार ने
रामदेव अवतार ने
ए मै तो अरज करू कर जोड।
लाल सनेडो
हे सनेडो सनेडो सनेडो
लाल सनेडो
पिछम धरा सु आयो लाल सनेडो
हे अलबेलों अवतार लाल सनेडो
लीले रो असवार लाल सनेडो
कलयुग रो अवतार लाल सनेडो
खम्मा घणी खम्मा घणी
बोले लाल सनेडो
खम्मा घणी खम्मा घणी
बोले लाल सनेडो ओ।।

हे बाबो राजी होवे लाल सनेडो
नही बोले पछताय लाल सनेडो
भगतो रो आधार लाल सनेडो
गावे अर्जुन लाल राव सनेडो
हे सनेडो हे सनेडो सनेडो लाल सनेडो।।

हे रामा सामा आवजो
रामा सामा आवजो
कलयुग बहत करूर
हे अरज करू अजमाल रा
साम्भलजो नी हुज़ूर
पीरजी साम्भलजो नी हुज़ूर
बापजी साम्भलजो नी हुज़ूर।।

म्हारे कानुडे रा नाम जितरा बडला माथे पान लिरिक्स

म्हारे कानुडे रा नाम
जितरा बडला माथे पान
जितरा बडला माथे पान
कठे तो मै भेजु पीला चावलीया
ओ कठे तो मै खोजु थाने सांवरिया
म्हारा कानुडे रा नाम ओ हो।।

अरे कोई केवे देवकी रो
कोई केवे यशोदा रो
कोई केवे देवकी रो
कोई केवे यशोदा रो
कोई केवे नंदजी रो लाल
चावल बांध लिफाफा माय
ऊपर कुण सो मंडावु नाम
ऊपर कुण सो मंडावु नाम
कठे तो मै भेजु पीला चावलीया
ओ कठे तो मै खोजु थाने सांवरिया
म्हारा कानुडे रा नाम ओ हो।।

अरे कोई केवे गोकुल वालो
कोई केवे मथुरा वालो
कोई केवे गोकुल वालो
कोई केवे मथुरा वालो
कोई केवे द्वारिका रो नाथ
चावल बांध लिफाफा माय
ऊपर कुण सो मंडावु नाम
ऊपर कुण सो मंडावु नाम
कठे तो मै भेजु पीला चावलीया
ओ कठे तो मै खोजु थाने सांवरिया
म्हारा कानुडे रा नाम ओ हो।।

अरे कोई केवे बंशी वालो
कोई केवे मुरली वालो
कोई केवे बंशी वालो
कोई केवे मुरली वालो
कोई केवे द्वारिका रो नाथ
चावल बांध लिफाफा माय
ऊपर कुण सो मंडावु नाम
ऊपर कुण सो मंडावु नाम
कठे तो मै भेजु पीला चावलीया
ओ कठे तो मै खोजु थाने सांवरिया
म्हारा कानुडे रा नाम ओ हो।।

अरे कोई केवे कान्हो कान्हो
कोई केवे श्यामो श्यामो
कोई केवे कान्हो कान्हो
कोई केवे श्यामो श्यामो
कोई केवे मदन मुरार
चावल बांध लिफाफा माय
ऊपर कुण सो मंडावु नाम
ऊपर कुण सो मंडावु नाम
कठे तो मै भेजु पीला चावलीया
ओ कठे तो मै खोजु थाने सांवरिया
म्हारा कानुडे रा नाम ओ हो।।

अरे कोई केवे मीराबाई रो
कोई केवे कर्मा बाई रो
मीराबाई रो कर्मा बाई रो
नरसीलो करे है पुकार
चावल बांध लिफाफा माय
ऊपर कुण सो मंडावु नाम
ऊपर कुण सो मंडावु नाम
कठे तो मै भेजु पीला चावलीया
ओ कठे तो मै खोजु थाने सांवरिया
म्हारा कानुडे रा नाम ओ हो।।

म्हारे कानुडे रा नाम
जितरा बडला माथे पान
जितरा बडला माथे पान
कठे तो मै भेजु पीला चावलीया
ओ कठे तो मै खोजु थाने सांवरिया
म्हारा कानुडे रा नाम ओ हो।।

आओ म्हारा नटवर नागरीया पधारो म्हारा नटवर नागरीया

आओ म्हारा नटवर नागरीया
पधारो म्हारा नटवर नागरीया
भगता रे क्यु नही आयो रे
संता रे क्यु नही आयो रे
आवो म्हारा नटवर नागरीया
पधारो म्हारा नटवर नागरीया।।

कबीर काई थारे काको लागे
कबीर काई थारे काको लागे
जिन घर बालद लायो रे
जिन घर बालद लायो रे
खांड खोपरा घी चुवारा
खांड खोपरा घी चुवारा
आप लगावन आया रे
आवो म्हारा नटवर नागरीया
पधारो म्हारा नटवर नागरीया।।

कर्मा काई थारे काकी लागे
कर्मा काई थारे काकी लागे
जिन रो खिचड खायो रे
जिन रो खिचड खायो रे
ढाबलीया रो परदो करने
ढाबलीया रो परदो करने
खिचड खूब खवायो रे
आवो म्हारा नटवर नागरीया
पधारो म्हारा नटवर नागरीया।।

मीरा काई थारे मासी लागे
मीरा काई थारे मासी लागे
जिन रो दुखडो जार्यो रे
जिन रो दुखडो जार्यो रे
राणेजी विष रा प्याला भेज्या
राणेजी विष रा प्याला भेज्या
विष अमृत कर डाल्यो रे
आवो म्हारा नटवर नागरीया
पधारो म्हारा नटवर नागरीया।।

कहे नरसीलो सुनो रे सावरिया
कहे नरसीलो सुनो रे सावरिया
आणो वे तो आवो रे
आणो वे तो आवो रे
म्हारा सगा मे भूंडो लागे
म्हारा सगा मे भूंडो लागे
यु काई लाज घमावो रे
आवो म्हारा नटवर नागरीया
पधारो म्हारा नटवर नागरीया।।

आओ म्हारा नटवर नागरीया
पधारो म्हारा नटवर नागरीया
भगता रे क्यु नही आयो रे
संता रे क्यु नही आयो रे
आवो म्हारा नटवर नागरीया
पधारो म्हारा नटवर नागरीया।।

भादरवे चांदन री आयी रे बीज खम्मा रामदेवजी भजन

भादरवे चांदन री आयी रे
बीज खम्मा
भादरवे चांदन री आयी बीज
रामदेव अजमल घर झूले पालने रे जी हा
अरे झूले झूले विरमदेव जी आप खम्मा
झूले झूले विरमदेव जी आप
सोने रे पालनीया मे झूले सावरो रे जी हा।।

अरे किनी किलकारी रामदेवजी आप
खम्मा किनी किलकारी रामदेवजी आप
दौडने आया मैणादे देखवा रे जी हा
अरे कियो अचम्भो मात मैणादे देख
खम्मा कियो अचम्भो मात मैणादे देख
दुजोडो बालकीयो कठा सु आवियो रे जी हा।।

अरे गया मैणादे अजमलजी रे पास
खम्मा गया मैणादे अजमलजी रे पास
पालना मे झूले दोय दोय बालका रे जी हा
अरे भोली रानी धीरे धीरे बोल खम्मा
मैणादे तू धीरे धीरे बोल
द्वारिका रा नाथ पोढे पालने रे जी हा।।

अरे पानी बन गयो सारो दूध
खम्मा पानी बन गयो सारो दूध
कुंकुम रा पगल्या मंडिया आंगने रे जी हा
बडा विरमदेव बीर वेला आज खम्मा
बड़ा विरमदेव बीर वेला आज
छोटोडा मानव अवतारी रामदेव रे जी हा।।

अरे गावो गावो हालरीये रा गीत
खम्मा गावो गावो हालरीये रा गीत
घर घर में बंटावो नी बधावना रे जी हा
आया रानी द्वारिका रा नाथ खम्मा
आया रानी द्वारिका रा नाथ
मंगला गावोनी ऊंडू काश्मीर मे जी हा।।

देवो देवो ब्राह्मण ने दान खम्मा
दीजो दीजो ब्राह्मण ने दान
नगरी जिमावो लाडू लापसी रे जी हा
अरे दोय कर जोड्या बोले अर्जुन राव
खम्मा दोय कर जोड्या बोले अर्जुन राव
गावे प्रकाश हेलो साम्भलो रे जी हा।।

भादरवे चांदन री आयी रे
बीज खम्मा
भादरवे चांदन री आयी बीज
रामदेव अजमल घर झूले पालने रे जी हा
अरे झूले झूले विरमदेव जी आप खम्मा
झूले झूले विरमदेव जी आप
सोने रे पालनीया मे झूले सावरो रे जी हा।।

थोड़ा नेडा बसोनी म्हारा राम रसीया भजन लिरिक्स

थोड़ा नेडा बसोनी
म्हारा राम रसीया
राम रसीया मीरा रे
हिरदे बसीया
राम रसीया मीरा रे
हिरदे बसीया
थोडा नेडा बसोनी
म्हारा राम रसीया।।

मूल कमल सु शब्द उलटिया जी
मूल कमल सु शब्द उलटिया जी
नाभी रे कमल बीच आण बसीया
नाभी रे कमल बीच आण बसीया
थोडा नेडा बसोनी
म्हारा राम रसीया।।

नाभी रे कमल सु शब्द उलटिया जी
नाभी रे कमल सु शब्द उलटिया जी
हिरदे कमल बीच आण बसीया
हिरदे कमल बीच आण बसीया
थोडा नेडा बसोनी
म्हारा राम रसीया।।

विवेक कमल सु शब्द उलटिया जी
विवेक कमल सु शब्द उलटिया जी
कंठ कमल माई आण बसीया
कंठ कमल माई आण बसीया
थोडा नेडा बसोनी
म्हारा राम रसीया।।

कंठ कमल सु शब्द उलटिया जी
कंठ कमल सु शब्द उलटिया जी
त्रिवेणी कमल माई आण बसीया
त्रिवेणी कमल माई आण बसीया
थोडा नेडा बसोनी
म्हारा राम रसीया।।

त्रिवेणी कमल सु शब्द उलटिया जी
त्रिवेणी कमल सु शब्द उलटिया जी
गगन मंडल माई आण बसीया
गगन मंडल माई आण बसीया
थोडा नेडा बसोनी
म्हारा राम रसीया।।

बाई मीरा केवे प्रभु गिरधर नागर जी
बाई मीरा केवे प्रभु गिरधर नागर जी
ए कृष्ण मुरारी म्हारे मन बसीया
कृष्ण मुरारी म्हारे मन बसीया
थोडा नेडा बसोनी
म्हारा राम रसीया।।

थोड़ा नेडा बसोनी
म्हारा राम रसीया
राम रसीया मीरा रे
हिरदे बसीया
राम रसीया मीरा रे
हिरदे बसीया
थोडा नेडा बसोनी
म्हारा राम रसीया।।

पांडवा कलजुग आवेला भारी थाने कह गया कृष्ण मुरारी

पांडवा कलजुग आवेला भारी
थाने कह गया कृष्ण मुरारी
ओ पांडवा कलयुग आवेला भारी।।

बुद्धिहीन कर्म रा काचा
बुद्धिहीन कर्म रा काचा
कुल मे ग्रीना कवारी
घोरम घोर कलजुग आसी
ओ घोरम घोर कलजुग आसी
होसी सब एक सारी ओ
ओ पांडवा कलयुग आवेला भारी।।

खट कृषक खेती कर खावे
खट कृषक खेती कर खावे
धूप बलेला भिखारी
साद सती कोई हिरला होसी
ओ साद सती कोई हिरला होसी
सब घर मारी ओ
ओ पांडवा कलयुग आवेला भारी।।

कलजुग पाप कपट रो पहरो
कलजुग पाप कपट रो पहरो
प्रेम छोडे नर नारी
वरन शंकर ज्यारे पुत्र जन्मसी
वरन शंकर ज्यारे पुत्र जन्मसी
होसी वक्त रो खोगारी
ओ पांडवा कलयुग आवेला भारी।।

काना सु सुणीयो न आँखा सु दिखे
काना सु सुणीयो न आँखा सु दिखे
ओ कलजुग है भारी
पाँच पांडवा छठी द्रोपदी
पाँच पांडवा छठी द्रोपदी
जाय हिमालय हाली ओ
ओ पांडवा कलयुग आवेला भारी।।

वेद पुराण अलोप हो जासी
वेद पुराण अलोप हो जासी
नीच वरन उचारी
गंगा शिव रे मुकुट मे रहसी
गंगा शिव रे मुकुट मे रहसी
जयकांत करे रे पुकारी
ओ पांडवा कलयुग आवेला भारी।।

पांडवा कलजुग आवेला भारी
थाने कह गया कृष्ण मुरारी
ओ पांडवा कलयुग आवेला भारी।।

कृष्ण रो अवतार बापजी ऊंडू मे प्रगट्या बापजी पालनीये रे

कृष्ण रो अवतार बापजी
मोहन रो अवतार रे
ऊंडू मे प्रगट्या बापजी पालनीये रे
ऊंडू मे प्रगट्या बापजी पालनीये रे
अरे कुंकुम पगल्या मांड बापजी
कुंकुम पगल्या मांड रे
अजमल घर आया बापजी
अवतारी रे
अजमल घर आया बापजी
अवतारी रे ए जी ओ जी।।

अजमल मन हर्षाय हेत सु
मैणादे हुलराय रे
ओ मोहन गोद्या खेलता
हालरीये रे
ओ मोहन गोद्या खेलता
हालरीये रे ए जी ओ जी
अरे रामू नाम दिराय जोशी जी
रामू नाम दिराय रे
ओ तपधारी अवतार नाम सु
चमके रे
ओ तपधारी अवतार नाम सु
चमके रे ए जी ओ जी।।

अरे घर में मंगला चार
गाँव में खुशीयां अपरम्पार
अरे घर में मंगला चार
गाँव में खुशीयां अपरम्पार रे
राजा ने बेटो जन्मीयो भाईडा रे
राजा ने बेटो जन्मीयो भाईडा रे
अरे नाचे गावे ताल सुरों मे
नाचे गावे ताल रे
ढोला रा बाजे ढमकारा भाईडा रे
ढोला रा बाजे ढमकारा भाईडा रे ए जी।।

अरे एक समय री बात भाईडा
एक समय री बात रे
हांडी सु उपने दूध पलाटे आवे रे
हांडी सु उपने दूध पलाटे आवे रे
अरे महिमा गावु रे बापजी री
महिमा गावु रे
अरे सुणती रहिजो कोड सु
बेनडिया रे
सुणती रहिजो चाव सु
बेनडिया रे ए जी ओ जी।।

अरे हाथा दूध ढबाय बापजी
हाथा दूध ढबाय रे
आलम ओलखाया देश में
भाईडा रे
आलम ओलखाया देश में
भाईडा रे ए जी ओ जी
अरे परचा दीना आप बापजी
परचा दीना आप रे
माता री शंका मेट दी अन्नदाता रे
माता री शंका मेट दी अन्नदाता रे ओ जी।।

अरे घोडलीयो मन भाय बापजी रे
घोडलीयो मन भाय रे
अब हट पकडी माँ
घोडलीयो मंगवा दे रे
अब हट पकडी माँ
घोडलीयो मंगवा दे रे ए जी
अरे दरजी ने बुलाय मैणादे
दरजी ने बुलाय रे
कपड़ा रो घोडो बनवायो माताजी रे
कपडा रो घोडो बनवायो माताजी रे ए जी।।

अरे लोभ धर्म ने खाय भाईडा
लोभ धर्म ने खाय रे
दरजी ने लालच उपज्यो भाईडा रे
दरजी ने लालच उपज्यो भाईडा रे
अरे दरजी ठगवा जाय बापजी ने
दरजी ठगवा जाय रे
कपडे रो घोडो उडा दियो बाबाजी रे
कपडे रो घोडो उडा दियो बाबाजी रे ओ जी।।

अरे दडिया खेलन जाय साथी संग
दडिया खेलन जाय रे
भैरव राक्षस ने मारनो विचारी रे
भैरव राक्षस ने मारनो विचारी रे
अरे फेंके दडी उछाल बापजी
फेंकें दडी उछाल रे
बडी दूर फेंकदी गेंद ने बाबाजी रे
बडी दूर फेंक दी गेंद ने बाबाजी रे ए जी।।

अरे गेंद खोजवा जाय रामदेव
गेंद खोजवा जाय रे
आराद पडी सिर ऊपरे भाईडा रे
आराद पडी ऊपरे भाईडा रे ए जी
अरे बालीनाथ रे धाम बापजी
बालीनाथ रे धाम रे
कुटिया मे पोढ्या बापजी अन्नदाता रे
कुटिया मे पोढ्या बापजी अवतारी रे।।

अरे भैरव आयो रात में रे
भैरव आयो रात मे
कोई मिनक सुतो
कुटिया मे खावुला रे
कोई मिनक सुतो
कुटिया मे खावुला रे ए जी
अरे गयो कुटिया रे पास भैरव
गयो कुटिया रे पास मे
गुदड़ी ने खींचे दानवी भाईडा रे
गुदड़ी ने खींचे दानवी भाईडा रे ए जी।।

अरे दीनी कला बताय पीरजी
दीनी कला बताय रे
गुदड़ी ने लाम्बी कर दीनी बाबाजी रे
गुदड़ी ने लाम्बी कर दीनी बाबाजी रे
अरे भैरव मन घबराय
कुदतो दौड्यो वन रे माय
भैरव मन घबराय कुदतो
दौड्यो वन रे माय रे
अरे लारे रामो दौड्या पापीडा रे
अब लारे रामो दौड्या पापीडा रे ओ जी।।

अरे भाकर चढता मार बापजी
भाकर चढता मार रे
किलकारी किनी बापजी भेरूडा रे
किलकारी किनी बापजी भेरूडा रे
अरे पाताला रे माय दबाया
पाताला रे माय रे
जीवता ने दाब्यो धरती मे भाईडा रे
जीवता ने दाब्यो धरती मे भाईडा रे ओ जी।।

अरे परचो दीनो आप बापजी
परचो दीनो आप रे
दुनिया में पूजे प्रेम सु भाईडा रे
दुनिया में प्रेम सु भाईडा रे
अरे प्रकाश माली गाय हेत सु
प्रकाश माली गाय रे
चरना मे राखो चाव सु अन्नदाता रे
चरना मे राखो चाव सु अन्नदाता रे ओ जी।।

कृष्ण रो अवतार बापजी
मोहन रो अवतार रे
ऊंडू मे प्रगट्या बापजी पालनीये रे
ऊंडू मे प्रगट्या बापजी पालनीये रे
अरे कुंकुम पगल्या मांड बापजी
कुंकुम पगल्या मांड रे
अजमल घर आया बापजी
अवतारी रे
अजमल घर आया बापजी
अवतारी रे ए जी ओ जी।।

म्हारा राम रघुनाथ इतरो वर तो दीजो म्हाने नित उठ जोडु हाथ

म्हारा राम रघुनाथ

दोहा – राम गरीब नवाज हो
पथ के राखन हार
पथ राखी प्रहलाद की
गज की सुनी पुकार।

म्हारा राम रघुनाथ
म्हारा राम रघूनाथ
इतरो वर तो दीजो म्हाने
नित उठ जोडु हाथ
इतरो वर तो दीजो म्हाने
नित उठ जोडु हाथ।।

आतुनो तो खेत दीजो
बिच में दीजो नाडी नाडी
आतुनो तो खेत दीजो
बिच में दीजो नाडी नाडी
अरे घरवाली ने छोरो दीजो
भैस लावे पाडी
घरवाली ने छोरो दीजो
भैस लावेला पाडी
म्हारा राम रघूनाथ
इतरो वर तो दीजो म्हाने
नित उठ जोडु हाथ।।

दोय म्हाने हलीया दीजो
हाल दीजो जाढी जाढी
दोय म्हाने हलीया दीजो
हाल दीजो जाढी जाढी
अरे दोय म्हाने बेलीया दीजो
बीच में दीजो गाडी
दोय म्हाने बेलीया दीजो
बीच में दीजो गाडी
म्हारा राम रघूनाथ
इतरो वर तो दीजो म्हाने
नित उठ जोडु हाथ।।

अरे बाजरी री रोटी दीजो
ऊपर गुड़ ने घी घी
बाजरी री रोटी दीजो
ऊपर गुड़ ने घी घी
अरे ओडन म्हाने गुदड दीजो
घणो पडेला सी
ओडन म्हाने गुदड दीजो
घणो पडेला सी
म्हारा राम रघूनाथ
इतरो वर तो दीजो म्हाने
नित उठ जोडु हाथ।।

अरे दोय म्हाने छाली दीजो
दोय दीजो लडी लडी
दोय म्हाने छाली दीजो
दोय दीजो लडी लडी
अरे काली भूरी दोनो दीजो
एक बनासा बडी
काली भूरी दोनो दीजो
एक बनासा बडी
म्हारा राम रघूनाथ
इतरो वर तो दीजो म्हाने
नित उठ जोडु हाथ।।

सावन मे म्हाने लेहरीयो दीजो
फागुन मे फागनीयो
सावन मे लेहरीयो दीजो
फागुन मे फागनीयो
अरे भगता रे थे भेला रहिजो
देवेला जागनीयो
भगता रे थे भेला रहिजो
देवेला जागनीयो
म्हारा राम रघूनाथ
इतरो वर तो दीजो म्हाने
नित उठ जोडु हाथ।।

म्हारा राम रघूनाथ
म्हारा राम रघूनाथ
इतरो वर तो दीजो म्हाने
नित उठ जोडु हाथ
इतरो वर तो दीजो म्हाने
नित उठ जोडु हाथ।।