जखन चलल पहु घरमे सजनी गे / मैथिली लोकगीत

जखन चलल पहु घरमे सजनी गे

डरे भेलहुँ बेहोस सजनी गे

तखन घोघ पहु खोलल सजनी गे

आँखिक काजर दहायल सजनी गे

धीरे-धीरे पहु मोर पुछलनि सजनी गे

कते थिक अहाँक उमेर सजनी गे

तखन हम किछु बाजल सजनी गे

हम थिकौं सोलह बएस सजनी गे

पहु मोर कोर कए लेलनि सजनी गे

तखनहि मेटल मोर डर सजनी गे

भनहि विद्यापति गाओल सजनी गे

पुरुषक एहने संयोग सजनी गे

यह भी पढ़ें:

• जखन चलल बर सुन्दर रे / मैथिली लोकगीत
• जखन गगन घन गरजत सजनी गे / मैथिली लोकगीत
• कि कहू पहु परदेश गेल सजनी गे / मैथिली लोकगीत
• तरुणी वयस पहु तेजल सजनी गे / मैथिली लोकगीत